Otsailaren 22an Emakume eta Gizonen Soldata Berdintasunaren aldeko
Eguna izanik, Emakunde Emakumearen Euskal Erakundeak salatu du soldata
diskriminazioa dela gaur egun emakumeen eta gizonen arteko
ezberdintasuna eragin eta betikotzen duen faktoreetako bat.
Egun, emakume eta gizonen arteko soldata diferentzia 7.000 euro
ingurukoa da EAEn. Sektoreak kontuan izanda, diferentzia handienak
zerbitzuen sektorean ematen dira, hain justu, emakume gehien duen
sektorean. Erdi-beheko lanpostuetako soldatak kontuan hartzen badira,
gizonena 100 bada, emakumeena 67 eta 65 artekoa da. Errentari
begiratuz, hau nondik datorren zehaztu gabe, emakumeen %81ak urtero
24.000 euro edo gutxiago kobratzen du, eta gizonen kasuan kopuru hori
%57ra murrizten da....
Emakundek landutako “Soldata arraila: eragileak eta adierazleak” txostenean gai honi buruzko informazio gehiago aurkituko duzue.
Bestetik, EAEko emakumeen lanbide ibilbide eta egoerako desberdintasuna : Emakumezkoen talentua alferrik galtzearen kostu erlatiboa. txostenean, zehazten da diskriminazioa modu inplizitu eta esplizituan nola ematen den (47. orrialdea).
